أشياء بسيطة لاكن عند الله عظيمة ............. تفضلو بادخول ولا تترددوا
كاتب الموضوع
رسالة
darkman
عدد الرسائل : 21 تاريخ التسجيل : 17/04/2008
موضوع: أشياء بسيطة لاكن عند الله عظيمة ............. تفضلو بادخول ولا تترددوا الثلاثاء أبريل 22, 2008 3:55 am
السلام عليكم وش أخباركم ياحلوين إن شاء الله بخير.........
الموضوع مبين من عنوانه000 حبيت أنزلكم أشياء بسيطه جدا أسويها في حياتي اليوميه لحد ماتعودت عليها وسارت زي الدواء اللي يداويني ومايضرني إذا زادت جرعته0000 العلاج الأول: إذا حسيت بالهم والحزن علطول يجي في بالي دعاء الهم اللي هو اللهم إني أمتك ابنت عبدك ابنت أمتك ناصيتي بيدك ماض في حكمك عدل في قضاؤك أسألك بكل اسم هو لك سميت به نفسك أو علمته أحداً من خلقك أو أنزلته في كتابك أو استاثرت به في علم الغيب عندك أن تجعل القرآن العظيم ربيع قلبي ونور صدري وجلاء حزني وذهاب همي إلا أذهب الله عز وجل همه وحزنه وأبدله مكانه فرجاً 000أحس بعدها براحه عجيبه سبحان الله العلاج الثاني: العلاج الثاني إذا طلعت مثلا لمكان عام زي السوق وطاحت فجأه عيني على شاب علطول أنزل عيني وأقول في نفسي اللهم أغنني بحلالك عن حرامك وأرددها في قلبي حتي أنسى شكله أو أنسى الموقف 00 وعلى فكره نصيحه للبنات حاولوا قد ماتقدرون أنكم ماتطلعون للسوق إلا للحاجه الشديده والله ماورها إلا الفتن وقله الحيا راح أقولكم الموقف اللي حصلي برمضان اللي فات في العشر طلعت للسوق علشان أشتري جزم الله يكرمكم لي ولأختي وتعرفون كيف السوق برمضان طبعا ظروفي ماسمحتلي أطلع قبل رمضان المهم كان السوق مليان شباب متكشخين آخر كشخه كأنهم رايحين لزواج وتعرفون الشيطان كيف شغال وسوسه وأنا أول مادخلت وأنا أستغفر بس مارتحت أحس أني شلت ذنوب وسرت أدعي بيني وبين نفسي اللهم لاأريد أن أفتتن اللهم أعني وساعدني أني ألاقي شي يناسبني والله الذي لاإله إلا هو بعد3 محلات أو4 لقيت جزمه لأختي نفس نقشه التنوره والمحل اللي بعده لقيت جزمه تناسب تيوري وأنا ناسيه وش درجه التيور 00 شوفوا سبحان الله لأن الله يدري وش بنفسي وصادقه مع الله العلاج الثالث: طبعي ماأشكي لأحد أبدا حتى لوكنت في مصيبه أدخل غرفتي وأنفجر من الصياح بعدين أرجع لحالتي الطبيعيه وماكنت أعرف أن هذا الشئ كويس 00 ليش لأن الشكوى لغير الله مذله هذا أولا ثانيا أستغليت الشي لصالحي وسرت أول ماتواجهني مشكله أو أكون متضايقه علطول أدخل لغرفتي وأقفل الباب وأسجد لربي طبعا إذا كنت طاهره وأدعي ربي وأبكي من قلبي وأشكي له همي والله يابنات تحسين أنك قريبه من ربك وتكرهين تشكين لحد بعد ماتحسين بالراحه الرهيبه والعجيبه............ بنات لاتنسون أنوه قادر على كل شئ سبحانك يالله العلاج الرابع: إذا تعسر معي شي حتى لوشي بسيط علــ طول أقول لاحول ولاقوه إلا بالله أنا أستغرب من بعض الناس إذا جا يصلح شي وتعسر عليه أو خرب عليه تشوفين أمطار من التلعين والسب والشتم 0000 ماأخذت إلا الأثم والشغله تتعسر عليك أكثر العلاج الخامس: إذا ضاع مني شي أو أنكسر شي علطول أقول اللهم آجرني في مصيبتي وأخلفلي خيرا منها 00 وهاذي أنصح فيها البنات اللي أنخطبوا وماحصل نصيب تريحك ويعوضك ربي باللي أحسن العلاج السادس: إذا طلعنا نتمشى وشفت شئ أعجبني في طريقي مثلا فله فخمه سوق كبير وفخم سياره حلوه وغيره.... علطول أقول ماشاء الله الله يهنيهم ويزيدهم بكذا أكون طفيت نار الغيره والحسد اللي بنفسي وكسبت أجر اللي دعيتلهم والحسد مثل النار ومافي جسد يخلى من الحسد فيه ناس تطفي الحسد بالدعاء لأخيه المسلم اللي رزقه ربي وفيه ناس لأ حسدها بزدياد لأنه غذاها بالمقارنه بين حاله وحال أخوه المسلم وسمح للشيطان أنوه يوسوس له العلاج السابع: القناعه ...القناعه إذا أقتنعتي بحياتك باللي كاتبه لك ربك راح تحسين بالسعاده ومافيه مكان للألم والحسره 00 راح أقولك كيف تكسبين هالشي أفتحي على الأخبار أو تابعي عادات الشعوب وخاصه أفريقيا والهند وشوفي كيف الناس عايشه والله حاله تقطع القلب وراح تعرفين إنك بأكبر نعمه وراح تقتنعين بحايتك اللهم لك الحمد كما فضلتني على كثير من خلقك العلاج الثامن: الإستغفااااار 00 سبحان الله تسهلت لي أمور كثيره وخفت المشاكل اللي كنت أعاني منها والله هذا العلاج لايقدر بثمن ويملكه الغني والفقير بس ناس كثيره غافله عنوه العلاج التاسع: أحيوا السنه قال الله تعالى: ﴿ لقد كان لكم في رسول الله أسوة حسنة لمن كان يرجو الله واليوم الآخر وذكر الله كثيرًا﴾ (الأحزاب: 21). في أشياء كثيره نسيناها منها السواك و الصيام أقصد الأيام البيض والأذكار وغيرها وأنا إن شاء الله ناويه أحيي السنه في بيتنا 00أقولكم كيف راح أجيب أوراق وأكتب فيها دعاء دخول الحمام وخروجه وأعلقها على الباب وكذلك دعاء الخروج والدخول من المنزل وراح أشتري لوح وأعلقه بالصاله وراح أعلق فيه سنه من سنن الرسول كل أسبوع علشان يتعودون 000وصدقوني راح يجيكم الأجر العظيم
أشياء بسيطة لاكن عند الله عظيمة ............. تفضلو بادخول ولا تترددوا
